Repost from @theliliumq8
و الاساس من
@q80highstreet

, شرح مبسط للألقاب… وفعلا عندنا هني.. مثل مايقولون ‘اختلط الحابل بالنابل’… لازم انطلع مسمى يديد حق البعض عندنا.. يكون شامل كل شي في واحد ههههه
.
———————————
.
.
Repost from @q80highstreet
.
.
. , ١- فاشن بلوقر:
البلوقر بشكل عام شخص عنده مدوّنة (ويبسايت) يكتب فيها اهتماماته. الفاشن بلوقر يكون شخص مهتم ومطلع بالفاشن ويكتب عن أخبار وتاريخ الفاشن ويكتب نصايح ورايه بمنتج معيّن أو انه يحب ينسّق قطع مع بعض ويلبسهم ويصوّر نفسه. بس القطع تكون من اختياره ومو مفروضه عليه من مصممين أو محلات معينة. يكون ذوقه الخاص. ومع انتشار الإنستغرام ظهروا الإنستابلوغر يكون ماعندهم مدوّنة معتمدين على الانستاغرام. .

٢- فاشينيستا:
لقب يطلق على الأشخاص اللي يتبعون آخر صيحات الموضة. وتكون اهي شارية ومختارة القطع بنفسها ومنسقه القطع على ذوقها مو مفروض عليها اللبس من مصممين. ومو شرط تكون بلوقر ومو شرط تكون من اللي يصورون نفسهم لأن هاللقب الناس أو المجلات تطلقه على الأشخاص مو اهم يطلقونه على نفسهم. الفاشينيستا والبلوقر مرات يكونون ‘تريند سيتر’ يعني يطلعون بهبة والناس تستانس عليها وتقلدهم.

٣- مودِل/فاشن مودِل:
عارضة أزياء تلبس الملابس اللي يختارونها لها المصممين أو المحلات وتصوّر فيهم أو تعرضهم لايڤ مثلا بفاشن شو. مو شرط تكون مقاييس جسمها مثل عارضات الأزياء الأجانب اللي تابعين لوكالات أزياء عالمية لأن هذيله يسمونهم پروفيشنال مودِل.

٤- سوشياليت:
هذا المصطلح اللي نادر مايستعملونه بالكويت مع ان وايد ناس يندرجون تحت هالمفهوم وبالغلط يسمونهم فاشينيستا! السوشياليت اهو شخص اجتماعي يحب يحضر إڤنتات وله حضور مميّز ويكون عنده اهتمامات متعلقة بالإڤنت اللي رايحله مثلا يحب الفاشن ومشهور عنه انه لبسه حلو ومتناسق. بس ماعنده مدوّنة ولا ينسّق لبس ويصوّر نفسه
وموشرط يلبس آخر صيحات الموضة.
.
.

#q80tips #lily_random
#sashrandoms
#sashdesigns
#fashion
#blog
#blogger
#kuwait